कुणास सांगू मी माझी व्यथा -- माझी कैफियत

 मला निरंतर प्रकाशित करणारा..तारा..

माझ्या आयुष्याला निरंतर
अंधारात सोडून गेला.
"मी तुझ्यात जीवंत आहे"..
एवढंच बोलून मुक्त झाला.

सध्या आहेत कित्येक सहारे
मला तात्पुरते उजेड देणारे...

पण स्वतःच कर्तव्य तो...
बाजूला सारून गेला
मला निरंतर अंधारात सोडून गेला...

कुणास सांगू मी माझी व्यथा....
जीव व्यकूळ होऊन तळमळीस गेला..
माझा बाप मला सोडूनी..
एकटाच निघूनी गेला...
मला निरंतर अंधारात सोडून गेला...

"मी तुझ्यात जीवंत आहे" म्हणे..
पण मला मी कुणात जीवंत राहू ...
हे सांगायच विसरूनच गेला...

मला एकवीस वर्ष अंधारापासून
दुर ठेवत गेला...एकवीसाव्या वर्षी
माझ्या जीवनाला अंधारात सोडून गेला...

मला सत्याचा मार्ग दाखवित तू..
मला दुर सोडूनी गेलास...
निसर्गाच्या प्रवाहात मला
एकटाच सोडून गेला..

माझ्यासाठीच जगत होतास अन्
मलाच न सांगता मृत्यू च्या दरबारी गेलास..

खूप वाट पाहतोय मी "बाबा" तुझी
चातका परी..कधी येणार तू ...
मला तुझ्याशी बोलायचं आहे...
तुला मिठीत घेऊन मनसोक्त रडायचं आहे...

कुणास सांगू मी माझी व्यथा....
जीव व्यकूळ होऊन तळमळीस गेला..
माझा बाप मला सोडूनी..
एकटाच निघूनी गेला...
मला निरंतर अंधारात सोडून गेला...

-आयु.वैभव सुरेश मोरे