युवकांसमोरील आवाहने - वैभव मोरे

    प्रत्येक युवक हा त्याच्यावर झालेल्या संस्काराने घडत असतो. तेच संस्कार त्या युवकांचे पोषण करते आणि तेच संस्कार काही काळानंतर त्याच युवकाची मर्यादा बनते.. सातत्याने आपण आपल्या सोबतच्या वस्तू आणि साधने जुनी होत असल्याचा अनुभव घेत असतो . परंतु आपल्यावर घडलेले संस्कार मात्र कधीच जुने होत नसतात. 

मित्रहो ,तरुण पिढीचे फार मोठे तांत्रिक आर्थिक आणि सामाजिक परिवर्तन झालेले आपल्याला दिसून येत . आहे त्यामुळे आपल्या तरुण पिढीचा वर्तमानकाळ हा सातत्याने रोचक बनला आहे.  आणि मी याच तरुण पिढीचा एक प्रतिनिधी आहे . आज एकविसाव्या शतकात आपल्याला असे दिसून येत आहे की सम्यक दृष्टी, सम्यक कर्म अथवा वाचणारी किंवा ऐकणारी तरुण युवकांची पिढी नष्ट होत चालली आहे . आज या एकविसाव्या शतकात युवकांसमोर अनेक आव्हाने उभे आहेत .

युवक की यापुढे कुठल्या प्रकारच्या समाजाची निर्मिती करणार आहे ? 
आपल्या भारत देशा बद्दल आपण युवकांची कल्पना काय आहे ?
युवक कशाप्रकारे भारताला जगाच्या पाठीवर आर्थिक महासत्ता बनणार आहे?
जातीय वादाने अत्यंत त्रासदायक प्रगती केलेली आहे . संपूर्ण भारतभर जातीयतेची समस्या मोठ्या प्रमाणात डोके वर काढत आहे तर या जातीयतेला युवक कशा प्रकारे आळा घालणार आहे ? हा ही एक मोठा प्रश्न आज आपल्या युवकांसमोर आहे.
असो युवकांसमोर अनेक आव्हाने अनेक समस्या आहेत.  परंतु कोणत्याही एका समस्येवर मात करण्याचा प्रयत्न केला किंवा कोणत्याही एका समस्येचे निवारण करण्याचा प्रयत्न युवकांनी केला तर आपोआपच भारतातील सर्व समस्या नष्ट होती.
भारताचे चे माननीय माजी राष्ट्रपती डॉ. ए पी जे अब्दुल कलाम यांनी आजपासून 17 वर्षांपूर्वी म्हणजेच 2003  मध्ये आपण युवकांच्या भरवशावर भारत देश हा जगाच्या पाठीवर आर्थिक महासत्ता बनेल असं स्वप्न बघितलं होतं . परंतु आज 2020 लागण्यासाठी फक्त तीन ते चार महिनेच बाकी आहेत आहेत.
भारत देश हा या तीन ते चार महिन्याच्या कालावधीत कशाप्रकारे महासत्ता होईल.?
हा ही एक महाभयंकर प्रश्न आज युवकांसमोर आहे मित्रहो एकविसाव्या शतकाचे दुसरे दशक संपत आलेले आहे. जर आपण या कालावधीत सार्वत्रिक दारिद्र्यामुळे वंचित जनसमूह धर्मनिरपेक्षता वरील हल्ला आणि अभिव्यक्ती स्वातंत्र्यावरील बंधने समाजातील भ्रष्टाचार दुर्बलता अंधश्रद्धा इत्यादी समस्यांना वैज्ञानिक पद्धतीने निर्भयपणे आणि परिणामकारकतेने तोंड दिल्याशिवाय भारत हा जगाच्या पाठीवर आर्थिक महासत्ता बनू शकणार नाही.
त्यासाठी आपण युवकांनी आपल्यापासूनच सामाजिक राजकीय जाणीव प्रखर करणे सर्वसामान्य जनतेला धर्मनिरपेक्षता , लोकशाही ,सामाजिक आर्थिक न्याय आणि भारतीय संविधानाला राष्ट्रीय ग्रंथ म्हणून संविधानातील मूलभूत हक्क आणि अधिकार जन सामान्य जनतेपर्यंत पोहोचविणे आणि त्यांना संघटित करणे हाच राष्ट्रीय प्रगतीचा खराखुरा मार्ग आहे .