Dr.Suryakant.B.Borul Sir

  ●एक  आदर्श व्यक्तीमत्व●

              प्राध्यापक डॉ. सूर्यकांत भानुदास बोरूळ .

                   [रसायनशास्त्र विभाग प्रमुख]
      कै.कु.दुर्गा क. बनमेरू विज्ञान महाविद्यालय लोणार
       सर तुमच्याबद्दल काय लिहावं ? तेच कळेनासे झालंय . कारण तुमचं कार्य आहेच तेवढं महान !
उत्कृष्ठ रसायनशास्त्र शिक्षक असूनही इंग्रजी आणि बुद्धिमत्तेवर प्रभुत्व _ _असणारे , नेहमीच एकटा भेटलो की , माझ्या पाठीवर प्रेमाने हात थोपटत " काय रे बाळा काय म्हणतोय ? "
असं हसून विचारणारे , आणि मला नेहमीच भावी आयुष्या विषयी मोलाचे संदेश देत प्रोत्साहन देणारे , माझ्या महाविद्यालयामधील शिस्तप्रिय शिक्षक म्हणजे. प्राध्यापक.डाॅ.सूर्यकांत बोरूळ सर.

सर बद्दल सांगायचं झालं तर सर म्हणजे रसायन
शास्त्रातील एक शास्त्रज्ञच होय. सरांच्या लेक्चर मध्ये कधीच झोप आली नाही की बोर झालं नाही कारण सर आम्हाला नेहमी हसत खेळत शिकावायचे . प्रसंगी रागवायचे देखील . पण आम्हाला त्यांचा रागवण्यात ही त्याचं लपलेल प्रेम दिसायचं .

अजूनही आठवतात सरांच्या लेक्चर मधील काही क्षण .
जेव्हा कधी आम्ही पोरं दंगामस्ती करायचो आणि सर आम्हाला कशाप्रकारे अगदी क्षणभरात शांत करायचे. सर जेव्हा आमच्या वर रागवायचे तेव्हा अगदी आई-बाबा च आपल्या साठी रानात राब राब राबून , रक्ताच पाणी करून शिक्षणासाठी जमा केलेल पैईक आणि आपल्या साठी करत असलेले काबाड कष्ट. आई-वडीलांच्या ईच्छा, अपेक्षा,स्वप्न ..असं काळजाला टोचाव असं द्रुश्य अगदी क्षणातच डोळ्यासमोर उभ राहायचं..आम्ही सर्वजण भावनीक व्हायचो आणि वर्ग मात्र लगेचच शांत व्हायचा..

सर मला अगदी आपल्या धाकट्या भावा प्रमाणे कुठलीही गोष्ट सांगायचे. मार्गदर्शन करायचे
सरांन मुळेच अमरावती युनिव्हर्सिटी केमीस्टी टिचर असोसिएशन अंतर्गत आयोजित केलेल्या इंटरकाॅलेजिएट केमी क्यूज मध्ये मला सुद्धा सहभागी होता आलं . सरांनी दिलेल्या प्रोत्साहनामुळे मी भगवान बाबा महाविद्यालय लोणार येथे आयोजित राज्यस्तरीय वादविवाद स्पर्धेत " आजच्या बदलत्या काळात महिला असुशिक्षीत आहेत " या विषयाची अनुकूल बाजू प्रभावी पणे मांडू शकलो...
सर मला नेहमीच वेळोवेळी योग्य ते मार्गदर्शन करायचे. महाविद्यालयातील अन्य प्राध्यापकांन बद्दल आदरयुक्त भीती तर वाटायचीचं परंतु बोरूळ सरांविषयी जरा जास्तच भीती वाटायची.
माझ्यात नेहमीच सकारात्मक ऊर्जा भरण्याचे काम तुम्ही करायचे । त्यामुळेच तुमचे स्थान नेहमीच माझ्या आयुष्यात, मनात आणि काळजात कायमस्वरूपी राहील.

कधीही फोन केला की आपुलकीने बोल 'बाळा' म्हणून म्हणणारे , स्वतः हा महत्वाच्या कामात असतांना देखील मला एखाद्या महत्वपूर्ण विषयांवर असो की इतर कुठल्याही कामात असो ज्यांनी नेहमीच मनापासून मदत केली ते म्हणजे माझे मार्गदर्शक बोरूळ सर..
मी कॉलेज लाईफ मधील कुठलीही गोष्ट ज्यांच्यापासून कधीच लपवली नाही. मग ती माझी वयक्तीक असो वा पारिवारीक असो अथवा आर्थिक असो.
कोणतीही गोष्ट ज्यांच्या समक्ष मांडल्याने मला त्यावरील उपाय मिळायचे ते म्हणजे बोरूळ सर..
सर तुम्ही माझ्यासाठी प्रेरणा स्त्रोत आहात . तुमच्यासाठी लिहायला शब्द नाहीत माझ्यासारख्या पामराकडे ! बस् शेवटी एवढंच बोलावसं वाटतं . . . चैतन्याचा आहात तुम्ही , चालता बोलता झरा , बोरूळ सर तुम्ही म्हणजे माझ्या साठी, सातपुड्यातला हिरा !

○ आपलाच ○
~ वैभव ~